Животот е – хаику

Со „Животот е – хаику“ македонската издавачка продукција се збогатува со едно издание што и во квантитативна и во квалитативна смисла донесува еден нов „осмокрак“ вруточен наплив, освежувачки и восхитувачки во исто време. Кратки и прекрасни сочиненија, каков што всушност е и целиот човечки живот.

Збирката содржи 1 400 хаику-песни во 8 циклуси: од „Во знакот на х“, преку „Ние во нив, тие во нас“; „Растителни, без холестерол“; „Со гаранција“; „Црно-розови“; „Без јаз“; „...И?“; сè до „Разделба“ – како што авторот го озаглавува последниот „крак“ од оваа негова „лебедова песна“. Барем во овој литературен жанр. За другите – без гаранција.

„Александар Кујунџиски се вбројува меѓу најистакнатите македонски писатели, кои подолго време успешно и мошне инвентивно излегуваат накрај со експресивните можности на кусиот лирски жанр хаику. Индикативно е што јубилејната, стота книга на Александар Кујунџиски, насловена 100, е токму стихозбирка со хаику-творби.“

Владимир Мартиновски

Автор: Александар Кујунџиски

ISBN: 978-608-66345-0-6

Број на страници: 192

Димензии: 12х20

Корица: мека

Јазик: македонски

Едиција: Цреша, книга 10

Категории: Поезија, Хаику

Година на издавање: 2019

Напиши мислење