Вашата кошничка е празна!
Оваа книга е дело на еден од најважните современи европски писатели, кој решава да му напише љубовно писмо не на градот во кој е роден туку на италијанскиот град во кој живее. Џенова е наречен La Superba поради својата убавина и богата историја. Главниот херој, во кого препознаваме црти на самиот автор, ја истражува дивата страна на овој мистериозен и егзотичен град, полн со лавиринти и магија. Сè почнува со глетката на една женска нога, која го фрла раскажувачот во потрагата „по најубавата девојка во Џенова“, потрага што ќе го води низ улиците на проститутките, мигрантските засолништа, пристаништата, баровите полни морнари. Оваа книга е како џебно издание на Пеколот на Данте, напишана од автор што ужива да оди во крајности, вистински мајстор на јазикот и на раскажувањето.
La Superba е ремек-дело на Фајфер, громогласно фалено со самото објавување во 2013 година, кога ги добило наградите Либрис, најпрестижната литературна награда во Холандија, и Цум, наградата „за најубава реченица напишана на холандски јазик“.
„Да одлучеше Итало Калвино да направи еден од своите невидливи градови видлив, резултатот би можел да наликува на Фајферовата Џенова.“
Бенџамин Мозер
Автор: Илја Леонард Фајфер / Ilja Leonard Pfeijffer
Наслов на оригиналот: La Superba
ISBN: 978-608-243-226-7
Број на страници: 352
Димензии: 13x20
Корица: мека
Јазик: македонски
Едиција: Бранови, книга 168
Категории: Еротика, Авантура, Социјала
Година на издавање: 2017
