Вашата кошничка е празна!
Романот почнува со најстрашниот кошмар на секој родител: детето што ненадејно исчезнува. Таткото прави една погрешна одлука и го остава својот шестгодишен син на 15 минути. Кога се враќа, малечкиот не е веќе таму, а три човечки животи се менуваат засекогаш. Дали детето е киднапирано? Изнесено од државата? Дали е живо?
Приказната ја раскажува Роман, телевизиски водител, кој го бара својот син како во градот така и во светот на соништата, во обид да го врати. Прогонуван од цврстото убедување дека син му му се обраќа насекаде, Роман почнува да навлегува во чуден однос со исчезнатото дете и со својата совест. Неговото однесување станува неподносливо, па тој е отфрлен од неговата жена, а полицијата го демне мислејќи дека самиот тој го крие детето.
Гилмор пишува со јасен, современ јазик, без претереното разубавување на стварноста во која отуѓеноста на луѓето станува сѐ пострашна. Книгата го впива читателот сѐ до последната, изненадувачка страница.
„Едно од најсвежите и најпотресни дела напишани од почетокот на XXI век.“
Букс ин Канада
Автор: Дејвид Гилмор / David Gilmour
Наслов на оригиналот: A Perfect Night to Go to China
ISBN: 978-608-243-195-6
Број на страници: 116
Димензии: 13x20
Корица: мека
Јазик: македонски
Едиција: Бранови, книга 154
Категории: Авантура, Трилер
Година на издавање: 2017
