Кој се плаши од волкот

Едно 12-годишно детенце влетува во локалната полициска станица, тврдејќи дека видело труп во некоја зафрлена куќичка во шумата. Инспекторот Сејер повторно треба да ги засука ракавите и да тргне во потрага по убиецот на жената што живеела сама среде планината.

Ерки Јорма, пребегнат пациент од психијатриската болница, е виден истиот ден на тоа место, пред целосно да исчезне меѓу дрвјата.

Следното утро се случува вооружен грабеж на банка во блискиот град. Пиштолџијата зема еден заложник и бега. Бидејќи неговите планови почнуваат да се рушат, за разлика од смирениот заробеник, тој почнува да ја губи контролата.

Во меѓувреме, потрагата по убиецот станува потрага по главата на еден човек – сите го бараат мистериозниот Ерки.

„Фосум ги претставува своите ликови со интелигенција и сочувство како во ретко која детективска книга.“

Дона Леон, Сандеј тајмс

Автор: Карин Фосум / Karin Fossum

Наслов на оригиналот: Den som frykter ulven

ISBN: 978-608-243-190-1

Број на страници: 256

Димензии: 13x20

Корица: мека

Јазик: македонски

Едиција: Бранови, книга 152

Категории: Трилери, Крими

Година на издавање: 2016

Напиши мислење