Сината лисица

Студениот пејзаж на Исланд е локацијата каде се случува оваа магична приказна која е делумно мистерија, делумно бајка. Во основата романот следи две сосем лабаво поврзани приказни во неколку денови во 1883 година. Балдур Скагасон е на лов и следи една неуловлива лисица. Природонаучникот Фридрик Фридриксон се бори да ѝ овозможи иднина на својата штитеничка, млада жена со Даунов синдром, која ја спасил од бродолом пред неколку години.

Човечките ликови и сината лисица не се само длабоко поврзани, туку се и еднакво фасцинантни поради сѐ што претставуваат и поради начинот на кој си влијаат едни на други.

Посебноста на Сината лисица лежи во поетскиот јазик и во начинот на кој се гради приказната, сцена по сцена. Ефектот е речиси хипнотички. Ќе ја дочитате со желба да не заврши, иако најпосле суптилниот пресврт ќе ги спои линиите глатко и паметно.

Добитникот на Нордиската книжевна награда, еквивалент на Букеровата, е совршен вовед во еден книжевен талент од светска класа.

„Кога барам нешто моќно и поетично, се потпирам на Сјон... Сината лисица е магичен роман.“

Бјорк

„Сè што мислам да кажам може да го сведам на два збора: волшебно поетски.“

Нурудин Фарах, Индипендент

ISBN: 978-608-243-002-7

Повез: мека

Година на издавање: 2014

Број на страни: 112

Димензии на книгата: 13x20cm

Превод: Ѓурѓица Илиева

Едиција: Бранови, книга 41

Категорија: Авантура, Психологија

Напиши мислење