Заедно со Филип

„Оваа збирка песни за деца од предучилишна и рана училишна возраст, ја карактеризираат три главни одлики. Тоа се: прво, едноставноста и краткоста. Второ, искреноста и непосредноста. И, трето, топлината на исказот.

Не случајно е речено дека вистинските писатели за деца и млади, во душата и срцето (или барем во некое скришно катче од нив) засекогаш остануваат млади. Саво Костадиновски секако е добар пример за тоа.

Освртот за творештвото на македонскиот писател Саво Костадиновски, овојпат насочен кон оваа негова најнова стихозбирка, ќе го заокружам со следнава констатација: пишувајќи за Филип, Авторот на песните не напишал песни само за неговиот внук, за Филип од Скопје; тој напишал песни и за Дарко и Марија од неговата група во градинката „Кочо Рацин“; и за Јован и Јана од Битола, и за Фидан и Благуна од Македонски Брод, и за Сара и Петар од Куманово, и за Фикрет и Хасиба од Гостивар; но, и за Волф и Хелен од Германија, и за Пјер и Жанет од Франција, и за Џон и Сузан од Америка, и за Јан и Дајана од Австралија, и за Индира и Кензо од Азија, и за Јусер и Наоми од Африка; тој напишал песни за сите деца од сите континенти и земји на светот.

- Александар Кујунџиски

ISBN: 978-608-4507-50-5

Повез: мека

Година на издавање: 2013

Број на страни: 48

Димензии на книгата: 14,5x20,5cm

Едиција: Моите први книги, книга 12

Категорија: Книги за деца, Мade in Macedonia

Напиши мислење