Вашата кошничка е празна!
Ова дело, опиено од мирисите на детските игри и на убавите спомени, ги опишува настаните поврзани со едно мешано германско-романско семејство што живее некаде близу градот Брашов во седумдесеттите години на XX век, видени и пренесени преку очите на едно шестгодишно дете.
Живеејќи помеѓу два различни менталитети, на германските Саси и на романските Олтенци, момченцето се обидува да ги опише и да ги разбере премрежињата низ кои минале неколку генерации од двете семејства, притоа опишувајќи ги парадоксите на различните идеологии, култури и религии конфронтирани на различни нивоа.
За него сите настани се само игри што ги играат, не само децата туку и возрасните, и тоа – во домот во кој живее, на улицата пред куќата, во маалото каде што го поминува времето.
Романот е добитник на престижната Награда за литература на Европската Унија за 2016 година.
„Го остава читателот без здив. Истовремено зачудува и засмејува.“
Берлинер цајтунг
Автор: Клаудиу М. Флоријан / Claudiu M. Florian
Наслов на оригиналот: Vârstele jocului. Strada Cetății
ISBN: 978-608-243-266-3
Број на страници: 368
Димензии: 13x20
Корица: мека
Јазик: македонски
Едиција: Бранови, книга 193
Категории: Историски, Семејни, Општество
Година на издавање: 2018
Ермис Лафазановски e современ македонски раскажувач, романсиер, преведувач. Автор е на десетина авторски книги. Добитник е на неколку книжевни признанија, меѓу кои и наградите: „Стале Попов“ и „Прозни мајстори“. Расказите му се преведени на голем број домашни и странски антологии, а романот „Храпешко“ досега е преведен на осум јазици. Преведува од романски јазик и досега има преведено дел од значајните современи романски автори, како што се Мирчеа Картареску, Дан Лунгу, Јоана Парвулеску, Џорџе Арион, Лучијан Дан Теодорович, Филип Флоријан. Претседател е на Македонскиот ПЕН центар и член на Друштвото на писателите на Македонија.
