Мајчино млеко

Оваа книга е за мајчинската љубов. За љубовта кон блиските, но и кон далечните луѓе. За луѓето на кои не им било дадено да љубат или да имаат дете, но и за силата што може да им го даде тоа најдобро чувство на светот. За една мајка што, оддавајќи ѝ се целосно на работата, се враќа дома сосем истоштена. За една жена што толку го замразува постојниот поредок што одбива да го дои детето со своето млеко. За една девојка што расте меѓу стравови и очај, лишена од мајчинската љубов, но која успева да се развие во личност преполна со топлина и која на некој начин ќе стане мајка на сопствената мајка. 

Романот ја пренесува животната историја на три поколенија жени, нивните судбини и односи, лишувањата што ги преживеале живеејќи под советска чизма. „Мајчино млеко“ е исполнета од соништа и намери, од труд и верба, од пријатели и љубени. Напрегнатото, речиси исповедно, раскажување го задржува вниманието на читателот од првата до последната страница.

„Нора Икстена пишува директно од длабочините на срцето.“
Валери Белокон

Автор: Нора Икстена / Nora Ikstena 

Наслов на оригиналот: Mātes piens

ISBN: 978-608-243-238-0

Број на страници: 160

Димензии: 13x20

Корица: мека

Јазик: македонски

Едиција: Бранови, книга 174

Категории: Семејни

Година на издавање: 2017

Напиши мислење