Сенки

Кратките раскази собрани во збирката пред нас се напишани во временски лак од триесетина години, со почеток во 1935 година. Ова е обид да се доловат разноликоста и неповторливоста во опусот книжевни теми и форми на Ландолфи, како и да се истакнат најоригиналните исчекори во фантастичниот расказ од неговото творештво. Карактеристично е присуството на елементи од готскиот роман, како и на гротескни тонови што често еволуираат во комичност. Ландолфи ја оживува таквата атмосфера, не само преку умешната игра со мотивите својствени за приказните со духови и со привиденија туку и преку превезот на античност со кој го обвива раскажувањето, инсистирајќи на архаични конструкции, секогаш во духот на иронијата и на пародијата.

Специјално за македонското издание предговор напиша лично синот на големиот италијански мајстор на раскажувањето.

„Е.А. По, Кафка и Гогољ би биле воодушевени од италијанската зона на самракот што ја создал Ландолфи“.

Њујорк тајмс

Автор: Томазо Ландолфи / Tommaso Landolfi

Наслов на оригиналот: Ombre

ISBN: 978-608-243-102-4

Број на страници: 104

Димензии: 13x20

Корица: мека

Јазик: македонски

Едиција: Бранови, книга 104

Категории: (Научна) фантастика, Хумор, Раскази

Година на издавање: 2015

Напиши мислење